റിയാദ്: സൗദി അറേബ്യയിൽ കുട്ടികളുടെയും കൗമാരക്കാരുടെയും ഡിജിറ്റൽ സുരക്ഷ ഉറപ്പാക്കുന്നതിനായി ഇലക്ട്രോണിക് ആപ്ലിക്കേഷനുകൾക്കും ഗെയിമുകൾക്കും മേൽ കർശനമായ നിയന്ത്രണങ്ങൾ ഏർപ്പെടുത്താൻ സൗദി ശൂറ കൗൺസിൽ ആവശ്യപ്പെട്ടു. കൗൺസിൽ വൈസ് പ്രസിഡന്റ് ഡോ. മിഷ്അൽ ബിൻ ഫഹം അൽ സുലാമിയുടെ അധ്യക്ഷതയിൽ ചേർന്ന 38-ാമത് റെഗുലർ സെഷനിലാണ് രാജ്യത്തെ സാമൂഹിക-സാമ്പത്തിക-ഗതാഗത മേഖലകളെ നവീകരിക്കുന്നതിനുള്ള നിർണായക തീരുമാനങ്ങൾ കൈക്കൊണ്ടത്. കൗൺസിൽ അംഗങ്ങളായ നാസർ അൽ ദുഗൈതർ, മുഹമ്മദ് അൽ അഖീൽ എന്നിവരുടെ നിർദേശപ്രകാരം, ഡിജിറ്റൽ ലോകത്തെ അപകടങ്ങളിൽ നിന്ന് കുടുംബങ്ങളെ സംരക്ഷിക്കാൻ ഫാമിലി അഫയേഴ്സ് കൗൺസിലിന്റെ നേതൃത്വത്തിൽ ശക്തമായ നടപടികൾ സ്വീകരിക്കും.
കുട്ടികളുടെ സുരക്ഷയ്ക്ക് ആപ്പുകൾക്കും ഗെയിമുകൾക്കും കർശന നിയന്ത്രണം
