തിരുവനന്തപുരം: പ്രധാനമന്ത്രി നരേന്ദ്രമോദിയെ അപമാനിച്ചെന്ന് ചൂണ്ടിക്കാട്ടി മേക്കപ്പ് ആര്ട്ടിസ്റ്റ് ജാന്മണിക്കെതിരെ പരാതി നല്കി ബിജെപി. പ്രധാനമന്ത്രിയേയും മാതാവിനേയും കുറിച്ച് അപകീര്ത്തിപ്പെടുത്തുന്ന പരാമര്ശം നടത്തി എന്നാണ് പരാതിയില് പറയുന്നത്. ജാന്മണിക്കെതിരെ ക്രിമിനല് കേസെടുക്കണമെന്നാണ് ആവശ്യം. സംസ്ഥാന വ്യാപകമായി വിവിധ പൊലീസ് സ്റ്റേഷനുകളില് പരാതി നല്കാൻ പ്രവര്ത്തകരോട് ആഹ്വാനം ചെയ്തിട്ടുണ്ട്.
സംഭവത്തില് ക്ഷമ ചോദിച്ച് ജാന്മണി രംഗത്തെത്തിയിരുന്നു. ആരേയും വേദനിപ്പിക്കാന് പറഞ്ഞതല്ല. തന്റെ കയ്യില് നിന്നും തെറ്റ് പറ്റിയിട്ടുണ്ടെങ്കില് ക്ഷമിക്കണം. തന്റെ തെറ്റാണ്, അങ്ങനെയൊരു പ്രസ്താവന നടത്തുന്നതിന് മുന്നേ അത് പരിശോധിച്ചില്ല. അത് ആരും ഗൗരവത്തിലെടുക്കരുത്. ഒരു തമാശയായി കണ്ടാല് മതിയെന്നും ജാൻമണി പറഞ്ഞിരുന്നു. മുന്പ് പ്രചരിച്ച വീഡിയോയില് മോദിയുടെ മാതാപിതാക്കളെ അപഹസിച്ച് ജാന്മണി സംസാരിച്ചിരുന്നു. സിജെപി സമരത്തിന് പിന്തുണയുമായി ജാന്മണി ഡല്ഹിയിലുമെത്തിയിരുന്നു.
രണ്ടുദിവസമാണ് ജാന്മണി പ്രതിഷേധത്തില് പങ്കെടുത്തത്.
