കാസര്ഗോഡ്: സിപിഐഎം പാലക്കാട് ജില്ലാ കമ്മിറ്റി അംഗവും എസ്എഫ്ഐ മുന് സംസ്ഥാന സെക്രട്ടറിയുമായ പി. എം ആര്ഷോയും എസ്എഫ്ഐ മുന് നേതാവ് കെ. വിദ്യയും വിവാഹിതരാകുന്നു. തൃക്കരിപ്പൂര് രജിസ്ട്രാര് ഓഫീസില് തിങ്കളാഴ്ച രാവിലെ 11 മണിക്കാണ് വിവാഹം. എറണാകുളം മഹാരാജാസ് കോളേജിലെ ആര്ക്കിയോളജി ഇന്റഗ്രേറ്റഡ് കോഴ്സ് വിദ്യാര്ത്ഥിയായിരുന്നു ആര്ഷോ. പിന്നീട് പഠനം മതിയാക്കുകയായിരുന്നു. പാലക്കാട് കാഞ്ഞിരപ്പുഴ സ്വദേശിയാണ് ആര്ഷോ.
കാസര്കേട് തൃക്കരിപ്പൂര് സ്വദേശിനിയായ വിദ്യ കാലടി സംസ്കൃത സര്വകലാശാലയിലെ പിഎച്ച്ഡി വിദ്യാര്ത്ഥിനിയാണ്. അധ്യാപക ജോലിക്ക് വ്യാജരേഖ ചമച്ച കേസിലെ പ്രതിയായതോടെ വലിയ വിമര്ശനങ്ങളും കേസും വിദ്യ നേരിട്ടിരുന്നു. സാമൂഹിക മാധ്യമങ്ങളില് ഇരുവരും സജീവമാണെങ്കിലും വിവാഹ കാര്യം ഇതുവരെ ഇരുവരും പങ്കു വെച്ചിട്ടില്ല. ആര്ഷോയുടെ പ്രതികരണങ്ങളും നിലപാടുകളും പലപ്പോഴും വലിയ വിമര്ശനത്തിനു വിധേയമായിട്ടുണ്ട്. ഉന്നത ഇടതുനേതാക്കള് വരെ ആര്ഷോയെ തള്ളിപ്പറഞ്ഞ സാഹചര്യങ്ങളും നിരവധിയാണ്.
