തിരുവനന്തപുരം: എസ്ഐ റാങ്ക് പട്ടികയിലുള്ളവർക്ക് ഉടൻ നിയമന ഉത്തരവ് നൽകാൻ നിർദേശം നൽകി ആഭ്യന്തരമന്ത്രി രമേശ് ചെന്നിത്തല. 43 പേർക്ക് നിയമനം നൽകാനാണ് നിർദേശം നൽകയിരിക്കുന്നത്. ജൂൺ 9ന് കാലാവധി കഴിയുന്ന പട്ടികയിൽ നിന്നാണ് നിയമനം നടത്തുക. റാങ്ക് പട്ടികളുടെ കാലാവധി സർക്കാർ നീട്ടിയെങ്കിലും എസ്ഐ റാങ്ക് പട്ടികക്ക് അത് ബാധകമായിരുന്നില്ല. റാങ്ക് പട്ടികയിൽ ഉൾപ്പെട്ടവർ ആഭ്യന്തരമന്ത്രിക്ക് ഇതു സംബന്ധിച്ച് നിവേദനം നൽകിയിരുന്നു. പിന്നാലെയാണ് നടപടി ഉണ്ടായിരിക്കുന്നത്.
കാലാവധി തീരാന് ദിവസങ്ങള് മാത്രമുള്ള സബ് ഇന്സ്പക്ടര് റാങ്ക് ലിസ്റ്റില്പ്പെടുന്ന 43 പേര്ക്ക് നിയമനം ലഭ്യമാക്കാന് ആണ് മന്ത്രി രമേശ് ചെന്നിത്തല അഡീഷണല് ചീഫ് സെക്രട്ടറിക്ക് നിർദേശം നൽകിയിരിക്കുന്നത്. 2025 ജൂണ് ഒമ്പതിനാണ് പിഎസ്സി നടത്തിയ സബ് ഇന്സ്പ്ക്ടര് പരീക്ഷയുടെ റാങ്ക് ലിസ്റ്റ് പ്രസിദ്ധീകരിച്ചത്. 2026 ജൂണ് ഒമ്പതിന് ഈ ലിസ്റ്റിന്റെ കാലാവധി അവസാനിക്കുകയാണ്. ഇതോടെ ഇവര്ക്ക് ജോലി ലഭിക്കാനുള്ള അവസരം നഷ്ടപ്പെടുന്ന അവസ്ഥയായി.
ഇതോടെയാണ് ഉദ്യോഗാര്ത്ഥികള് ആഭ്യന്തര മന്ത്രി രമേശ് ചെന്നിത്തലയെ സമീപിച്ച് തങ്ങളുടെ അവസ്ഥ പങ്കുവെച്ചത്. പരാതിയില് അടിയന്തിര നടപടിയുണ്ടാകണമെന്നും ഉദ്യോഗാര്ത്ഥികള്ക്ക് ജോലി നഷ്ടപ്പെടുന്ന സാഹചര്യം ഉണ്ടാകരുതെന്നും രമേശ് ചെന്നിത്തല ആഭ്യന്തര വകുപ്പിന് നിര്ദേശം നല്കുകയുമായിരുന്നു.
