മനാമ: വ്യവസായ വാണിജ്യ മന്ത്രി അബ്ദുല്ല ബിൻ അദേൽ ഫഖ്റോ, സൽമാൻ ഇൻഡസ്ട്രിയൽ സിറ്റിയിൽ നടത്തിയ പരിശോധനാ പര്യടനത്തിന്റെ ഭാഗമായി ന്യൂ ഹോൾഡിങ്ങിന് കീഴിലുള്ള കിങ്ഡം ഗ്രൂപ്പ് കമ്പനികൾ സന്ദർശിച്ചു. ബോർഡ് വൈസ് ചെയർമാൻ അലി ജമീൽ അൽ മുതവ, ഗ്രൂപ്പ് മാനേജിംഗ് ഡയറക്ടർ അബ്ദുല്ല ഷെഹാബി, ചീഫ് എക്സിക്യൂട്ടീവ് ഓഫീസർ അഹമ്മദ് ഖലഫ്, ഓപ്പറേഷൻസ് മാനേജർ മത്രൂക്ക് അൽ മുതവ, ഗ്രൂപ്പിലെ നിരവധി ഉദ്യോഗസ്ഥർ, അഡ്മിനിസ്ട്രേറ്റർമാർ എന്നിവർ മന്ത്രിയെ സ്വീകരിച്ചു. വ്യാവസായിക മേഖലയെ പിന്തുണയ്ക്കുന്നതിനും സുസ്ഥിര സാമ്പത്തിക വികസനത്തിൽ അതിന്റെ പങ്ക് വർദ്ധിപ്പിക്കുന്നതിനും, വിതരണ ശൃംഖലകൾ ശക്തിപ്പെടുത്തുന്നതിനും, ദേശീയ വ്യാവസായിക മത്സരശേഷി വർദ്ധിപ്പിക്കുന്നതിനുമുള്ള മന്ത്രാലയത്തിന്റെ പ്രതിബദ്ധത മന്ത്രി ഫഖ്റോ വീണ്ടും ഉറപ്പിക്കുകയും ചെയിതു.
ദേശീയ വ്യവസായങ്ങൾ വികസിപ്പിക്കുന്നതിന്റെയും, ഉൽപ്പാദന ശേഷി വർദ്ധിപ്പിക്കുന്നതിന്റെയും, വ്യാവസായിക സുരക്ഷയെയും വിതരണ ശൃംഖലയുടെ പ്രതിരോധശേഷിയെയും പിന്തുണയ്ക്കുന്നതിന്റെയും പ്രാധാന്യം മന്ത്രി ഊന്നിപ്പറഞ്ഞു. പര്യടനത്തിനിടെ, ഗ്രൂപ്പിന്റെ പ്രവർത്തനങ്ങൾ, വിപുലീകരണ പദ്ധതികൾ, ഭാവി പദ്ധതികൾ എന്നിവയെക്കുറിച്ച് മന്ത്രിയോട് വിശദീകരിച്ചു. ഉൽപ്പാദന പ്രക്രിയകൾ, ഗുണനിലവാര മാനദണ്ഡങ്ങൾ, പ്രവർത്തന കാര്യക്ഷമത എന്നിവ അവലോകനം ചെയ്യുന്നതിനായി അതിന്റെ സൗകര്യങ്ങൾ സന്ദർശിച്ചു.
