എച്ച്-വൺ എൻ-വൺ ബാധിച്ച് എറണാകുളത്ത് രണ്ടുമരണം, രോഗലക്ഷണങ്ങളും പ്രതിരോധവും

കൊച്ചി: എച്ച്-വൺ എൻ-വൺ ബാധിച്ച് എറണാകുളം ജില്ലയിൽ വീണ്ടും മരണം. കടവന്ത്ര സ്വദേശിനിയായ ഓമന(61), നേര്യമംഗലം കവളങ്ങാട് മണിക്കിണർ കൈതക്കാട്ടുവീട്ടിൽ സെയ്ത് മുഹമ്മദ്(75) എന്നിവരാണ് മരിച്ചത്. ജൂൺ പത്തിനാണ് ഇരുവരും മരിച്ചത്. ജില്ലയിൽ ഇതോടെ എച്ച്-വൺ എൻ-വൺ ബാധിച്ച് ഈ മാസം മൂന്നുമരണം റിപ്പോർട്ട് ചെയ്തു. മൂന്നിന് ഒരാൾ മരിച്ചിരുന്നു. ശ്വാസതടസ്സത്തെ തുടർന്നാണ് ഓമന ആശുപത്രിയിൽ മരിച്ചത്. എച്ച്-വൺ എൻ-വൺ ബാധിച്ചിരുന്നതായി ഒരു വിവരവും തങ്ങൾക്ക് ലഭിച്ചിട്ടില്ലെന്ന് ഓമനയുടെ കുടുംബം പ്രതികരിച്ചു.