നവവധുവായി വോട്ട് രേഖപ്പെടുത്തി നന്ദന

തൃശ്ശൂർ: നവവധുവായി വോട്ട് രേഖപ്പെടുത്താൻ ബൂത്തിലെത്തുകയായിരുന്നു നന്ദന. തൃശ്ശൂർ തളിക്കുളം പുളിയംതുരുത്ത് കാര്യാട്ട് ബിന്ദു സുകുമാരൻ ദമ്പതികളുടെ മകൾ നന്ദനയുടെ വിവാഹ ദിനത്തിലായിരുന്നു വോട്ടിങ്. ചെന്ത്രാപ്പിന്നി കല്ലപ്പറമ്പിൽ ലിജീഷാണ് നന്ദനയുടെ വരൻ. കുടുംബ ക്ഷേത്രത്തിൽ രാവിലെ നടന്ന മിന്നുകെട്ടിനു ശേഷം വിവാഹ വേഷത്തിൽ തന്നെ പങ്കാളിയോടൊപ്പം പത്താം കല്ല് സി.എം.എസ് യുപി സ്കൂളിലെത്തി വോട്ട് രേഖപ്പെടുത്തി മടങ്ങുകയായിരുന്നു നന്ദന.