ദുബൈ ശൈഖ് സായിദ് റോഡിലെ കെട്ടിടത്തിൽ തീപിടിത്തം

ദുബൈ: ദുബൈ ശൈഖ് സായിദ് റോഡിലെ കെട്ടിടത്തിൽ തീപിടിത്തം. വ്യാഴാഴ്ച പുലർച്ചെയാണ് സംഭവം. ആർക്കും പരിക്കേറ്റതായി റിപ്പോർട്ട് ചെയ്തിട്ടില്ല. കെട്ടിടത്തിൽ അറ്റകുറ്റപ്പണികൾ നടക്കവേയാണ് തീപിടിച്ചത്. സംഭവത്തെ തുടർന്ന് ടവറിൽ നിന്ന് പുക ഉയരുന്നത് കണ്ടതായി ദൃക്സാക്ഷികൾ പറഞ്ഞു. തീപിടിത്തം ദുബൈ സിവിൽ ഡിഫൻസ് ടീമുകൾ വിജയകരമായി നിയന്ത്രണവിധേയമാക്കി. നിരവധി കാറുകളായി പൊലീസ് മിനിറ്റുകൾക്കുള്ളിൽ സ്ഥലത്തെത്തുകയായിരുന്നു. സുരക്ഷാ നടപടികളുടെ ഭാഗമായി കെട്ടിടത്തിന് ചുറ്റുമുള്ള പ്രദേശത്തേക്ക് ഗതാഗതവും കാൽനടയാത്രയും തടഞ്ഞു.