തിരുവനന്തപുരം: വിഎസ് അച്യുതാനന്ദന് ഉയര്ത്തിപ്പിടിച്ച വിഷയങ്ങളെല്ലാം ഇന്നും കാലിക പ്രസക്തിയുള്ളതാണെന്ന് മകന് വി എ അരുണ്കുമാര്. അഴിമതിക്കെതിരെയുള്ള നിലപാടുകളാണെങ്കിലും പരിസ്ഥിതിയുമായി ബന്ധപ്പെട്ട വിഷയങ്ങളാണെങ്കിലും അടിച്ചമര്ത്തപ്പെട്ടവര്ക്ക് വേണ്ടിയുള്ള നിലപാടുകളാണെങ്കിലും എല്ലാത്തിനും വേണ്ടി അവസാനം വരെ പോരടിച്ചയാളാണ്. എന്നും നിലനില്ക്കുന്നതാണ്. പുതിയ തലമുറയ്ക്ക് പഠനവിഷയമാക്കേണ്ടതാണെന്നും അരുണ്കുമാര് പറഞ്ഞു.
പിതാവിനെ കുറിച്ചുള്ള ഓര്മകളും അദ്ദേഹം പങ്കുവച്ചു. കുറേയധികം നാള് അച്ഛന് വേണ്ടി മാത്രം ജീവിച്ച കുടുംബമായിരുന്നു. കുഞ്ഞുനാളിലെ വല്ലപ്പോഴും മാത്രമേ വല്ലപ്പോഴും മാത്രമേ വീട്ടില് ഉണ്ടാവാറുണ്ടായിരുന്നുള്ളു. തിരുവനന്തപുരത്ത് ഒരുമിച്ച് താമസിക്കാന് തുടങ്ങിയത് അച്ഛന് പ്രതിപക്ഷ നേതാവ് സ്ഥാനത്ത് ഉള്ളപ്പോഴായിരുന്നു. അപ്പോഴും അച്ഛന് തിരക്കായിരുന്നു. പിന്നീട് വയ്യാതെ വന്ന സമയത്താണ് അച്ഛനെ നോക്കാന് കുടുംബം ആകെ ഒരുമിച്ച് വന്നത്. അച്ഛന് ഇല്ല എന്നുള്ളത് ഇന്നും അംഗീകരിക്കാന് കഴിയാത്ത അവസ്ഥയിലാണെന്നും അദ്ദേഹം പറഞ്ഞു. അച്ഛന് ഞങ്ങളുടെ കൂടെ ഉണ്ട് എന്ന് വിചാരിക്കാനാണ് മനസ് പറയുന്നത്. ആ ഒരു വിചാരവുമായാണ് ഞങ്ങള് കഴിയുന്നതെന്നും വി എ അരുണ്കുമാര് പറഞ്ഞു.
