സെൻസസ് 2027; സ്വന്തമായി വിവരങ്ങൾ രേഖപ്പെടുത്താൻ ജൂൺ 16 മുതൽ അവസരം

തിരുവനന്തപുരം: സെൻസസ് 2027 ബന്ധപ്പെട്ട് പൊതുജനങ്ങൾക്ക് സ്വന്തമായി വിവരങ്ങൾ രേഖപ്പെടുത്താൻ ജൂൺ 16 മുതൽ സൗകര്യം ലഭ്യമാവും. ജൂൺ 16 മുതൽ ജൂൺ 30 വരെയാണ് ഇതിനുള്ള സമയം അനുവദിച്ചിരിക്കുന്നത്. സെൻസസ് ഉദ്യോഗസ്ഥർ വീടുകളിൽ എത്തുന്നതിനു മുൻപുതന്നെ ആളുകൾക്ക് തങ്ങളുടെ കുടുംബത്തിലെ വിവരങ്ങൾ ഓൺലൈൻ പോർട്ടൽ വഴി നേരിട്ട് സമർപ്പിക്കാനുള്ള സംവിധാനമാണ് സെൽഫ് എന്യുമറേഷൻ. ഏകദേശം 15 മുതൽ 20 മിനിറ്റിനുള്ളിൽ ഈ പ്രക്രിയ പൂർത്തിയാക്കാൻ സാധിക്കും. https://se.census.gov.in എന്ന പോർട്ടൽ ഉപയോഗിച്ച് വ്യക്തികൾക്ക് വിവരങ്ങൾ സമർപ്പിക്കാം.