ഡൽഹി: നീറ്റ് പരീക്ഷ പേപ്പർ ചോർച്ച തടയാൻ എല്ലാ മുൻകരുതലും സ്വീകരിക്കുന്നതായി എൻടിഎ. അടുത്ത കൊല്ലം കംപ്യൂട്ടർ അധിഷ്ഠിത പരീക്ഷയാകുന്നതോടെ പ്രശ്നങ്ങൾ പരിഹരിക്കും. ചോദ്യപേപ്പറുകൾ തയ്യാറാക്കുന്ന രീതിയും മാറുമെന്ന് എൻടിഎ മേധാവി പാർലമെൻററി സമിതിയോട് വ്യക്തമാക്കി. ഇന്നലെ ചേര്ന്ന പാര്ലമെന്ററി സമിതി യോഗത്തിൽ എൻടിഎ തലവൻ ഉള്പ്പെടെയുള്ള ഉദ്യോഗസ്ഥര് പങ്കെടുത്തിരുന്നു. പുനപരീക്ഷയെ സംബന്ധിച്ച് യോഗത്തിൽ ചര്ച്ചയുണ്ടായി. ഇനിയുള്ള പരീക്ഷയിൽ ചോദ്യ പേപ്പര് ചോര്ച്ച ഉണ്ടാകാതിരിക്കാനുള്ള മുൻകരുതൽ നടപടികള് എടുത്തതായി എൻടിഎ മേധാവി വ്യക്തമാക്കി.
നീറ്റ് പരീക്ഷ ചോദ്യപേപ്പർ ചോർച്ച; അടുത്ത വർഷം മുതൽ കംപ്യൂട്ടർ അധിഷ്ഠിത പരീക്ഷയാക്കും
