കാലടി വിദ്യാർഥികൾക്കൊപ്പം പ്രകാശ് രാജ്

കാലടി: കാലടിയിലെ വിദ്യാർഥി സമരത്തിന് പിന്തുണയുമായി നടൻ പ്രകാശ് രാജ്. മാപ്പെഴുതി നൽകിയാൽ തിരിച്ചെടുക്കാമെന്ന സർവകലാശാലയുടെ നിലപാടിനെതിരെയാണ് വിദ്യാർഥികൾ പ്രതിഷേധിക്കുന്നത്. ഈ വിഷയത്തിലാണ് പ്രകാശ് രാജിന്റെ പ്രതികരണം ശ്രദ്ധ നേടുന്നത്. മാപ്പെഴുതി നൽകുന്നവർ സവർക്കർമാരാണെന്ന പരാമർശത്തിലൂടെ വിദ്യാർഥികളുടെ നിലപാടിനൊപ്പം നിൽക്കുകയാണ് അദ്ദേഹം. കാലടി ശ്രീശങ്കരാചാര്യ സംസ്കൃത സർവകലാശാലയിലെ വിദ്യാർഥികൾക്കെതിരായ നടപടിയിൽ പ്രതിഷേധം ശക്തമാകുകയാണ്. 16 വിദ്യാർഥികളെ സസ്‌പെൻഡ് ചെയ്തതും മാപ്പെഴുതി നൽകിയാൽ തിരിച്ചെടുക്കാമെന്ന സർവകലാശാലയുടെ നിബന്ധനയുമാണ് വിവാദത്തിന് കാരണം. ചെയ്യാത്ത തെറ്റിന് മാപ്പുപറയില്ലെന്ന ഉറച്ച നിലപാടിലാണ് വിദ്യാർഥികൾ. […]

സ്‌കൂള്‍ കുട്ടികള്‍ക്കായുള്ള കതിര്‍ പദ്ധതിയുടെ ബ്രാന്‍ഡ് അംബാസഡറായി മോഹന്‍ലാല്‍

തിരുവനന്തപുരം: സംസ്ഥാനത്തെ വിദ്യാര്‍ത്ഥികളില്‍ കാര്‍ഷിക അവബോധം വളര്‍ത്തുന്നതിനായുള്ള കൃഷി വകുപ്പിന്റെ കതിര്‍ പദ്ധതിയുടെ ബ്രാന്‍ഡ് അംബാസഡറായി നടൻ മോഹന്‍ലാല്‍. കതിര്‍ പദ്ധതി വലിയൊരു വിപ്ലവമായി മാറട്ടെയെന്ന് മോഹന്‍ലാല്‍ ആശംസിച്ചു. പൊതുവിദ്യാഭ്യാസ വകുപ്പിന്റെ സഹകരണത്തോടെയാണ് പദ്ധതി നടപ്പാക്കുന്നത്. പദ്ധതിയുടെ ഭാഗമായി ആദ്യഘട്ടത്തില്‍ സംസ്ഥാനത്തെ 500 വിദ്യാലയങ്ങളില്‍ കതിര്‍ കാര്‍ഷിക ക്ലബ്ബുകള്‍ രൂപീകരിക്കും. കുട്ടികളിലെ കാര്‍ഷിക അഭിരുചി പ്രോത്സാഹിപ്പിക്കുന്നതിനുള്ള കതിര്‍ കാര്‍ഷിക ക്ലബ്ബ് പദ്ധതി ഏറെ പ്രാധാന്യമുള്ളതും സന്തോഷകരവുമാണ്. കൃഷിയില്‍ ഏര്‍പ്പെടുന്ന കുട്ടികള്‍ക്ക് വെയിറ്റേജ് മാര്‍ക്ക് നല്‍കാനുള്ള തീരുമാനം പ്രോത്സാഹനാജനകമാണെന്നും […]

മാപ്പ് നൽകിയാൽ പരീക്ഷയ്ക്ക് അവസരം

കൊച്ചി: കാലടി സംസ്‌കൃത സർവകലാശാലയിലെ വിദ്യാർത്ഥികളുടെ സസ്‌പെൻഷൻ വിവാദത്തിൽ പ്രതികരണവുമായി ഉന്നത വിദ്യാഭ്യാസ മന്ത്രി റോജി എം ജോൺ. വിദ്യാർത്ഥികൾക്ക് പരീക്ഷ എഴുതാൻ അവസരം നൽകണമെന്നാണ് സിൻഡിക്കേറ്റിന്റെ ആഗ്രഹമെന്ന് മന്ത്രി വ്യക്തമാക്കി. എന്നാൽ വിദ്യാർത്ഥികളുടെ ഭാഗത്തുനിന്ന് തെറ്റ് സംഭവിച്ചിട്ടുണ്ടെന്നും അതിനാൽ മാപ്പ് എഴുതി നൽകിയാൽ മാത്രമേ വീണ്ടും അവസരം നൽകാൻ കഴിയൂ എന്നും മന്ത്രി പറഞ്ഞു. വിദ്യാർത്ഥികളുടെ ഭാവി നശിക്കരുതെന്നും പരീക്ഷ എഴുതാൻ ആവശ്യമായ സാഹചര്യം ഒരുക്കണമെന്നും അദ്ദേഹം കൂട്ടിച്ചേർത്തു. വിദ്യാർത്ഥി രാഷ്ട്രീയത്തെ എതിർക്കുന്നില്ലെന്നും എന്നാൽ സമരങ്ങൾ […]

ശൈലജ ജലയുടെ രൂക്ഷ വിമർശനം

കൊച്ചി: കാലടി ശ്രീശങ്കരാചാര്യ സംസ്കൃത സർവകലാശാലയിലെ വിദ്യാർത്ഥികളുടെ സസ്പെൻഷൻ നടപടിയിൽ വൈസ് ചാൻസലർക്കും സർക്കാരിനുമെതിരെ രൂക്ഷ വിമർശനവുമായി നടിയും നാടക സംവിധായകയുമായ ശൈലജ ജല. 16 വിദ്യാർത്ഥികളുടെ ജീവിതത്തെ ഒരു വൈസ് ചാൻസലറുടെ വ്യക്തിപരമായ ധാർഷ്ട്യം ബാധിക്കുകയാണെന്നും സർക്കാർ ഇതിന് കൂട്ടുനിൽക്കുന്നത് ശരിയല്ലെന്നും അവർ വിമർശിച്ചു. നാടക വിഭാഗത്തിലെ വിദ്യാർത്ഥികൾക്ക് ആവശ്യമായ അടിസ്ഥാന സൗകര്യങ്ങൾ പോലും സർവകലാശാല ഒരുക്കുന്നില്ലെന്നാണ് ശൈലജയുടെ ആരോപണം. ലൈറ്റ്, സൗണ്ട്, റിഹേഴ്സൽ സൗകര്യങ്ങൾ എന്നിവയ്ക്കായി വിദ്യാർത്ഥികൾ നേരിടുന്ന ബുദ്ധിമുട്ടുകളും അവർ ചൂണ്ടിക്കാട്ടി. ദേശീയതലത്തിലുള്ള […]

കാലടി വിദ്യാർത്ഥികൾ സുപ്രീംകോടതിയിൽ

കൊച്ചി: കാലടി ശ്രീശങ്കരാചാര്യ സംസ്കൃത സർവകലാശാലയിലെ വിദ്യാർത്ഥികളുടെ പരീക്ഷാ പോരാട്ടം സുപ്രീംകോടതിയിലേക്ക്. സസ്പെൻഷൻ നടപടി ചോദ്യം ചെയ്ത് വിദ്യാർത്ഥികൾ ഹൈക്കോടതി ഡിവിഷൻ ബെഞ്ച് ഉത്തരവിനെതിരെ സുപ്രീംകോടതിയിൽ അപ്പീൽ നൽകി. ഫീസ് സ്വീകരിച്ച് പരീക്ഷ എഴുതാൻ അനുവദിക്കണമെന്നാണ് വിദ്യാർത്ഥികളുടെ ആവശ്യം. അന്വേഷണവിധേയമായുള്ള സസ്പെൻഷൻ ശിക്ഷാനടപടിയായി കാണാനാകില്ലെന്നും വിദ്യാർത്ഥികൾ വാദിക്കുന്നു. ഇന്ന് ആരംഭിക്കുന്ന പിജി പരീക്ഷ എഴുതേണ്ട ഏഴ് വിദ്യാർത്ഥികളെയും ആറാം തീയതി തുടങ്ങുന്ന യുജി പരീക്ഷ എഴുതേണ്ട മൂന്ന് വിദ്യാർത്ഥികളെയും നടപടി ബാധിക്കും. വിദ്യാർത്ഥികൾക്ക് പരീക്ഷ എഴുതാൻ അവസരമില്ലെന്നായിരുന്നു […]

വിദ്യാർത്ഥികൾക്കെതിരെ വീണ്ടും സിസ തോമസ്

കൊച്ചി: കാലടി സംസ്കൃത സർവകലാശാലയിലെ വിദ്യാർത്ഥി സസ്പെൻഷൻ വിവാദം വീണ്ടും ഹൈക്കോടതിയിൽ. സസ്പെൻഷനിലായ വിദ്യാർത്ഥികൾക്ക് പരീക്ഷ എഴുതാൻ അനുമതി നൽകിയ സിംഗിൾ ബെഞ്ച് ഉത്തരവിനെതിരെ വൈസ് ചാൻസലർ സിസ തോമസ് ഡിവിഷൻ ബെഞ്ചിനെ സമീപിച്ചു. വിദ്യാർത്ഥികൾക്ക് ആവശ്യമായ ഹാജർ ഇല്ലെന്നും അതിനാൽ പരീക്ഷ എഴുതാൻ അനുവദിക്കാനാകില്ലെന്നുമാണ് സിസ തോമസിന്റെ വാദം. അതേസമയം, കോടതി ഉത്തരവുണ്ടായിട്ടും പരീക്ഷയ്ക്ക് രജിസ്റ്റർ ചെയ്യാൻ സർവകലാശാല അനുവദിച്ചില്ലെന്നാണ് വിദ്യാർത്ഥികളുടെ പരാതി. ഇതിനെതിരെ ഒരു വിദ്യാർത്ഥി പൊലീസിനെയും സമീപിച്ചിട്ടുണ്ട്. വിസിക്കെതിരായ പ്രതിഷേധത്തെ തുടർന്ന് 16 […]

സിസ തോമസിനെതിരെ പൊട്ടിത്തെറിച്ച് കെ.ടി. ജലീൽ

കൊച്ചി: കാലടി സർവകലാശാല വൈസ് ചാൻസലർ സിസ തോമസിനെതിരെ രൂക്ഷ വിമർശനവുമായി സിപിഎം നേതാവ് കെ.ടി. ജലീൽ. സർവകലാശാലയിലെ വിദ്യാർത്ഥികളുടെ സസ്പെൻഷൻ നടപടിയുമായി ബന്ധപ്പെട്ടാണ് ജലീലിന്റെ പ്രതികരണം. പതിനാറ് വിദ്യാർത്ഥികളുടെ ഭാവി തകർക്കാനാണോ സിസ തോമസ് ശ്രമിക്കുന്നതെന്നാണ് അദ്ദേഹം ചോദിച്ചത്. ഡ്രാമാ തിയേറ്ററിലെ കേടായ ലൈറ്റിന് ശവമഞ്ചം ഒരുക്കിയതാണോ വിദ്യാർത്ഥികൾ ചെയ്ത കുറ്റമെന്നും ജലീൽ ഫേസ്ബുക്ക് പോസ്റ്റിലൂടെ ചോദിച്ചു. വിദ്യാർത്ഥികൾക്ക് പരീക്ഷ എഴുതാൻ അവസരം നിഷേധിക്കുന്നതിനെതിരെയും അദ്ദേഹം വിമർശനം ഉന്നയിച്ചു. അതേസമയം, കാലടി സർവകലാശാലയെ ആർഎസ്എസിന് അനുകൂലമായി […]

സംസ്ഥാനത്തെ സ്കൂളുകളിൽ വിദ്യാർഥികളുടെ എണ്ണം കുറയുന്നതായി റിപ്പോർട്ട്

തിരുവനന്തപുരം: സംസ്ഥാനത്തെ സ്കൂളുകളിൽ വിദ്യാർഥികളുടെ എണ്ണം കുറയുന്നതായി വിദ്യാഭ്യാസ വകുപ്പിന്റെ റിപ്പോർട്ട്. ഒന്നാം ക്ലാസിൽ പ്രവേശനം നേടുന്ന കുട്ടികളുടെ എണ്ണത്തിലും കുറവുണ്ടെന്നാണ് വിവരം. ഒന്നുമുതൽ -10 വരെ ക്ലാസുകളിൽ 2026-27 അധ്യയന വർഷം 1,23,508 വിദ്യാർത്ഥികളുടെ കുറവാണ് രേഖപ്പെടുത്തിയത്. റിപ്പോർട്ടിലെ കണക്കുകൾ തസ്തിക നിശ്ചയിക്കുന്നതിൽ നിർണായകമെന്ന് വിദ്യാഭ്യാസ വകുപ്പ് പറയുന്നു. ഈ വർഷം ആകെ പ്രവേശനം നേടിയത് ആകെ മൊത്തം 34,11,194 വിദ്യാർഥികളാണ്. 2025-26 അധ്യയന വർഷം സ്കൂളുകളിൽ പ്രവേശനം നേടിയത് 35,34,702 വിദ്യാർഥികളും. സർക്കാർ , […]

സ്കൂൾ ബാഗുകളുടെ ഭാരം കുറയ്ക്കും; പുസ്തകങ്ങളിലും മാറ്റം വരുന്നു

തിരുവനന്തപുരം: സ്കൂൾ കുട്ടികളുടെ ബാഗുകളുടെ അമിതഭാരം കുറയ്ക്കാൻ പുതിയ നടപടികളുമായി സംസ്ഥാന സർക്കാർ. ഇതിനായി ഭാരം കുറഞ്ഞ പേപ്പർ ഉപയോഗിച്ച് പാഠപുസ്തകങ്ങൾ നിർമിക്കുന്നതടക്കമുള്ള നിർദേശങ്ങൾ പരിഗണനയിലാണെന്ന് വിദ്യാഭ്യാസ മന്ത്രി എൻ. ഷംസുദീൻ നിയമസഭയിൽ അറിയിച്ചു. പുസ്തകങ്ങളുടെ ഭാരം കുറയ്ക്കുന്നതിനൊപ്പം അവ അർധവാർഷിക അടിസ്ഥാനത്തിൽ പ്രസിദ്ധീകരിക്കുന്നതും സർക്കാർ ആലോചിക്കുന്നുണ്ട്. ഇതുമായി ബന്ധപ്പെട്ട കാര്യങ്ങൾ ചർച്ച ചെയ്യാൻ അടുത്ത മാസം 24ന് യോഗം വിളിച്ചിട്ടുണ്ട്. ഹൈസ്കൂൾ വിദ്യാർഥികൾ നേരിടുന്ന ബാഗുകളുടെ അമിതഭാരം കുറയ്ക്കണമെന്ന ആവശ്യമാണ് നിയമസഭയിൽ ഉയർന്നത്. കൈപ്പമംഗലം എംഎൽഎ […]

യൂണിഫോമിൽ മദ്യം തേടി വിദ്യാർഥികൾ

കോഴിക്കോട് : കോഴിക്കോട്ട് വിദ്യാർഥികൾ മദ്യം വാങ്ങാനെത്തിയ സംഭവത്തിൽ ഞെട്ടിക്കുന്ന വിവരങ്ങൾ. ആദ്യം സ്കൂൾ യൂണിഫോമിലെത്തിയ വിദ്യാർഥികൾക്ക് മദ്യം നൽകിയില്ലെന്നാണ് റിപ്പോർട്ട്. പിന്നാലെ യൂണിഫോം മാറ്റി വീണ്ടും എത്തിയെങ്കിലും ശ്രമം വിജയിച്ചില്ല. ഒടുവിൽ മറ്റൊരാളെ വിട്ട് മദ്യം വാങ്ങാനും ശ്രമിച്ചതായാണ് വിവരം. വിദ്യാർഥികളുടെ ഈ നീക്കം വലിയ ആശങ്കയാണ് ഉയർത്തുന്നത്. പ്രായപൂർത്തിയാകാത്തവർക്ക് മദ്യം ലഭിക്കുന്നത് തടയേണ്ടത് അത്യാവശ്യമാണ്. കുട്ടികൾക്കിടയിലെ ലഹരി ഉപയോഗത്തെക്കുറിച്ച് ആശങ്കകൾ ശക്തമാകുന്നതിനിടെയാണ് ഈ സംഭവം പുറത്തുവരുന്നത്. മദ്യവിൽപ്പനശാലകളിൽ പ്രായപരിശോധന കർശനമാക്കേണ്ടതിന്റെ ആവശ്യകതയും സംഭവം ചൂണ്ടിക്കാട്ടുന്നു. […]