കൊച്ചി : വിസ്മയ മോഹൻലാൽ കേന്ദ്രകഥാപാത്രമായി എത്തിയ തുടക്കം സിനിമയിലെ ‘മുറുവുകൾ..’ എന്ന ഗാനം റിലീസ് ചെയ്തു. ലിറിക് വീഡിയോയാണ് പുറത്തുവന്നിരിക്കുന്നത്. സായ് കുമാറും വിസ്മയയും ആണ് ഗാനരംഗത്തുള്ളത്. ജേക്സ് ബിജോയ് സംഗീതം നൽകിയ ഗാനത്തിന് വരികൾ എഴുതിയിരിക്കുന്നത് ജോ പോൾ ആണ്. ശ്രുതി ശിവദാസ് ആണ് ആലാപനം.
ജൂഡ് ആന്റണി ജോസഫ് സംവിധാനം ചെയ്ത തുടക്കം ഓഗസ്റ്റ് 7ന് ആയിരുന്നു തിയറ്ററുകളിൽ എത്തിയത്. യു/എ 16 പ്ലസ് സര്ട്ടിഫിക്കറ്റ് ആണ് ചിത്രത്തിന്. 2 മണിക്കൂറും 19 മിനിറ്റുമാണ് ദൈര്ഘ്യം. ചിത്രത്തിന് മികച്ച അഭിപ്രായമാണ് ആദ്യ ദിവസം തന്നെ ലഭിച്ചത്. ചിത്രം രണ്ട് ദിവസത്തിനുള്ളില് 15 കോടി നേടിയെന്നാണ് സാക്നില്ക്ക് റിപ്പോര്ട്ട് ചെയ്യുന്നത്. ആന്റണി പെരുമ്പാവൂരിന്റെ മകൻ ആശിഷ് ജോ ആന്റണിയും ചിത്രത്തില് പ്രധാന വേഷത്തിലെത്തുന്നുണ്ട്.
