തിരുവനന്തപുരം: ഇഡി ഉദ്യോഗസ്ഥരെ ആക്രമിച്ച കേസിൽ പ്രതിക്ക് വേണ്ടി പ്രോസിക്യൂട്ടർ വാദിച്ച സംഭവത്തിൽ ഫയലുകൾ പരിശോധിക്കാൻ ഒരുങ്ങി ഡയറക്ടർ ജനറൽ ഓഫ് പ്രോസിക്യൂഷൻ. ഇതിനായി മ്യൂസിയം എസ്.എച്.ഒ പ്രോസികുഷൻ ഡിജിയുടെ കൊച്ചിയിലെ ഓഫീസിൽ എത്തി. ഡിജിപി ആസഫലി കേസ് ഡയറി ഉൾപ്പെടെ പരിശോധിക്കും.
ഉദ്യോഗസ്ഥരെ ആക്രമിച്ച കേസിലെ ഒമ്പതാം പ്രതി ഹരീഷ് കുമാറിന്റ ജാമ്യം റദ്ദാക്കാൻ ഇഡി നാളെ ഹൈകോടതിയിൽ അപ്പീൽ നൽകും. ജാമ്യം റദ്ദാക്കാൻ സെഷൻസ് കോടതിയെ സമീപിക്കാൻ ആയിരുന്നു ആദ്യ തീരുമാനം. എന്നാൽ പ്രോസിക്യൂട്ടർ ഗീന കുമാരി തന്നെ ഹാജരാകും എന്നതിനാൽ ഇഡി തീരുമാനം മാറ്റുകയായിരുന്നു. അതേസമയം ഗീനാകുമാരിയെ മാറ്റണമെന്ന് കമ്മീഷണർ ഡിജിപിയോട് ആവശ്യപ്പെട്ടിരുന്നു, ഗീനാകുമാരിയെ മാറ്റാനുള്ള നടപടികൾ സർക്കാരും ആരംഭിച്ചതായാണ് വിവരം.
