ദുബൈ: യുഎഇയിലെ ചിലയിടങ്ങളിൽ ചൂടിന് ആശ്വാസമായി മഴയെത്തുമെന്ന് കാലാവസ്ഥാ നിരീക്ഷണ കേന്ദ്രം. രാജ്യത്തിന്റെ കിഴക്കൻ, തെക്കൻ പ്രദേശങ്ങളിലാണ് ഉച്ചയ്ക്ക് ശേഷം മഴ സാധ്യത കൂടുതലുള്ളത്. എന്നാൽ, ഇന്ന് രാത്രിയും നാളെ രാവിലെയുമായി അന്തരീക്ഷ ഈർപ്പം കുത്തനെ ഉയരുമെന്നും തീരദേശങ്ങളിലും ഉൾനാടൻ പ്രദേശങ്ങളിലും മൂടൽമഞ്ഞ് രൂപപ്പെടുമെന്നും കാലാവസ്ഥാ കേന്ദ്രം മുന്നറിയിപ്പ് നൽകി. അതേസമയം രാജ്യത്തിന്റെ ഉൾനാടൻ പ്രദേശങ്ങളിൽ താപനില 43 മുതൽ 48 ഡിഗ്രി സെൽഷ്യസ് വരെ ഉയർന്നേക്കും. തീരദേശങ്ങളിലും ദ്വീപുകളിലും 37 മുതൽ 42°C വരെയാണ് ഉയർന്ന താപനില. മലയോര മേഖലകളിൽ ഇത് 31°C മുതൽ 37°C വരെയായിരിക്കും. മണിക്കൂറിൽ 40 കിലോമീറ്റർ വരെ വേഗതയിൽ വീശിയടിക്കാവുന്ന വടക്കുപടിഞ്ഞാറൻ കാറ്റ് തുറസ്സായ സ്ഥലങ്ങളിൽ പൊടിക്കാറ്റായി മാറും.
യുഎഇയുടെ ഈ പ്രദേശങ്ങളിൽ ഇന്ന് മഴയെത്തും
