തിരുവനന്തപുരം: മഴ കനക്കുമ്പോള് ദുരിതാശ്വാസ പ്രവര്ത്തനങ്ങളിലും അലേര്ട്ടുകള് നല്കുന്നതിലും സര്ക്കാരിന് വീഴ്ചയുണ്ടായെന്ന് സിപിഐഎം മുഖപത്രമായ ദേശാഭിമാനിയില് വിമര്ശനം. ദുരിതാശ്വാസ പ്രവര്ത്തനങ്ങള് ഏകോപിപ്പിക്കാന് നാഥനില്ലാത്ത അവസ്ഥയാണെന്നും വിമർശനം. വ്യാപക മഴക്കെടുതിയുണ്ടായ ദിവസം മുഖ്യമന്ത്രി വിവിധ ജില്ലകളില് തന്റെ സ്വകാര്യ പരിപാടികളില് പങ്കെടുക്കുകയായിരുന്നെന്ന് മുഖപ്രസംഗം വിമർശിച്ചു.
കഴിഞ്ഞ ദിവസം പെയ്ത ശക്തമായ മഴയും ദുരന്തങ്ങളും സംബന്ധിച്ച വിശദാംശങ്ങള് മാധ്യമങ്ങളുമായി പങ്കിടാന് പോലും മുഖ്യമന്ത്രി വി ഡി സതീശന് വിസമ്മതിച്ചു. മഴക്കാലത്തിന് മുന്നോടിയായുള്ള ശുചീകരണ പ്രവര്ത്തനങ്ങളും താളം തെറ്റി. ഇത്തരമൊരു സാഹചര്യത്തില് ചടുലമായി പ്രവര്ത്തിക്കേണ്ട സര്ക്കാര് സംവിധാനങ്ങളാകെ മരവിപ്പിലാണ്. നാഥനില്ലാത്ത അവസ്ഥയാണെന്നും മുഖപ്രസംഗം കുറ്റപ്പെടുത്തി. ദുരിതാശ്വാസ ക്യാമ്പുകളില് ജനങ്ങള്ക്ക് വേണ്ടുന്ന സാധനങ്ങള് എത്തിക്കാന് പോലും സര്ക്കാരിന് കഴിയുന്നില്ലെന്നും ലേഖനത്തിലുണ്ട്.
