ഭാവിയിൽ അമ്മയായാൽ താൻ എങ്ങനെയായിരിക്കുമെന്ന് തുറന്നുപറഞ്ഞ് നടി തമന്ന ഭാട്ടിയ. താൻ വളരെ കർക്കശക്കാരിയായ അമ്മയായിരിക്കുമെന്നാണ് സ്വന്തം അമ്മ കരുതുന്നതെന്നും എന്നാൽ തനിക്ക് അങ്ങനെ തോന്നുന്നില്ലെന്നും തമന്ന പറഞ്ഞു.

തന്നോട് തന്നെ വളരെ കർശനമായി പെരുമാറുന്നതുകൊണ്ടാകാം അമ്മയ്ക്ക് അങ്ങനെ തോന്നുന്നതെന്നാണ് തമന്നയുടെ വിശദീകരണം. എന്നാൽ കുട്ടികളോട് താൻ കർശനമായിരിക്കില്ലെന്നും, അവരുമായി സൗഹൃദപരമായി ഇടപെടുന്ന ‘ചിൽ’ അമ്മയായിരിക്കുമെന്നുമാണ് താരം പറയുന്നത്.

കുട്ടികൾക്ക് ജീവിതം ആസ്വദിക്കാൻ സ്വാതന്ത്ര്യം നൽകണമെന്നാണ് തന്റെ ആഗ്രഹമെന്നും തമന്ന വ്യക്തമാക്കി. “ഇന്ന് സ്കൂളിൽ പോകേണ്ട, ക്ലാസ് കട്ട് ചെയ്ത് ആസ്വദിച്ചോളൂ” എന്ന് പറയുന്ന അമ്മയാകാനാണ് തനിക്ക് ഇഷ്ടമെന്നും താരം തമാശയായി പറഞ്ഞു.

അതേസമയം, സിദ്ധാർഥ് മൽഹോത്രയ്ക്കൊപ്പം തമന്ന അഭിനയിച്ച ‘ദ വ്വാൻ: ഫോഴ്സ് ഓഫ് ദ ഫോറസ്റ്റ്’ ഇപ്പോൾ പ്രേക്ഷകശ്രദ്ധ നേടുകയാണ്. ചിത്രം ആദ്യ ആഴ്ചയിൽ 50 കോടിയിലധികം രൂപ നേടിയതായി റിപ്പോർട്ടുകളുണ്ട്