തിരക്കഥാകൃത്ത് എ.കെ. സാജൻ സംവിധായകൻ ഷാജി കൈലാസ് കൂട്ടുകെട്ടിൽ ഒരുങ്ങുന്ന ചിത്രം വരവ്’ ജൂലൈ 16 മുതൽ തിയേറ്ററുകയിൽ എത്തും. എ.കെ. സാജൻ ഷാജി കൈലാസ് കൂട്ടുകെട്ട് മലയാള സിനിമയ്ക്ക് നൽകിയത് വെറും വിനോദ ചിത്രങ്ങൾ മാത്രമല്ല, ശക്തമായ സാമൂഹിക-രാഷ്ട്രീയ പശ്ചാത്തലവും തീവ്രമായ മനുഷ്യബന്ധങ്ങളും ചേർന്ന ആക്ഷൻ ത്രില്ലർ അനുഭവങ്ങളാണ്.
‘ വരവ് ‘ എന്ന പുതിയ ചിത്രത്തിലൂടെ വീണ്ടും ഇവർ ഒന്നിക്കുന്ന സന്തോഷത്തിലാണ് പ്രേക്ഷകർ. ജോജു ജോർജ് കേന്ദ്രകഥാപാത്രത്തെ അവതരിപ്പിക്കുന്ന ഈ ചിത്രം ഹൈറേഞ്ചിന്റെ പശ്ചാത്തലത്തിൽ നടക്കുന്ന, പ്രതികാരവും അതിജീവനവും മനുഷ്യബന്ധങ്ങളും ഇഴചേർന്ന ഒരു ശക്തമായ ത്രില്ലർ അനുഭവമായിരിക്കും എന്നാണ് പ്രതീക്ഷ. ആക്ഷന് ഏറെ പ്രാധാന്യമുള്ള ‘വരവ് ‘ തിയേറ്ററുകളിൽ എത്തുന്നതോടെ ഈ കൂട്ടുകെട്ടിന്റെ അടുത്ത ഗംഭീര വരവ് പ്രേക്ഷകർക്ക് പ്രതീക്ഷിക്കാം. വോൾഗാ പ്രൊഡക്ഷൻസിന്റെ ബാനറിൽ നൈസി റെജിയാണ് ചിത്രം നിർമിക്കുന്നത്. ശ്രീഗോകുലം മൂവീസ് ജൂലൈ 16ന് ഇന്ത്യയൊട്ടാകെ ചിത്രം തിയേറ്ററുകളിൽ എത്തിക്കും.
