മുഖ്യമന്ത്രി ചർച്ചകൾ ഇപ്പോൾ വേണ്ട; കെ. മുരളീധരൻ

തിരുവനന്തപുരം: മുഖ്യമന്ത്രി ആരാണെന്നുള്ള ചർച്ചകൾ ഇപ്പോൾ നടത്തേണ്ടെന്ന് കോൺഗ്രസ് നേതാവ് കെ മുരളീധരൻ പറഞ്ഞു . ജയിപ്പിച്ചയുടനെ തർക്കം തുടങ്ങിയെന്ന് ജനങ്ങൾ പറയാനിടയാവരുതെന്നും അദ്ദേഹം പറഞ്ഞു . മുഖ്യമന്ത്രിയെ തീരുമാനിക്കാൻ കോൺഗ്രസിന് അതിന്റെതായ സംവിധാനം ഉണ്ട് . നിലവിൽ മുഖ്യമന്ത്രി ചർച്ചകളിലേക്ക് കടന്നിട്ടില്ലെന്നും ഫലം വന്നതിനു ശേഷം അക്കാര്യം ഹൈക്കമാൻഡ് തീരുമാനിക്കുമെന്നും മുരളീധരൻ കൂട്ടിച്ചേർത്തു .
വോട്ടുകിട്ടാത്തതിന് സമുദായത്തെ കുറ്റം പറയരുതെന്നും ചിലസമയത് സമുദായ വോട്ട് കിട്ടാതിരിക്കും , അതിന് സമുദായത്തെ തള്ളിപ്പറയരുതെന്നും കെ മുരളീധരൻ പറഞ്ഞു . ന്യൂനപക്ഷ , ഭൂരിപക്ഷ സമുദായങ്ങളുടെ ഏകീകരണം കേരളത്തിൽ യുഡിഎഫിന് അനുകൂലമായി വന്നിട്ടുണ്ടെന്നും വട്ടിയൂർക്കാവിൽ 5000 വോട്ടിന് യുഡിഎഫ് വിജയിക്കുമെന്നും മുരളീധരൻ കൂട്ടിച്ചേർത്തു .