പുൽപ്പള്ളിയിൽ കവർച്ച; കവർന്നത് 6080 രൂപ

പുൽപ്പള്ളി: രാത്രി നഗരത്തിനുള്ളിലെ ചായക്കടയിൽ അതിക്രമിച്ചുകയറി പണം കവർന്ന യുവാവ് പിടിയിൽ. അമ്പലവയൽ നരിക്കുണ്ട് കരിങ്കണ്ണയിൽ വീട്ടിൽ ആൽബിൻ (29) ആണ് പുൽപ്പള്ളി പോലീസിന്റെ പിടിയിലായത്. ഇയാൾ പുൽപ്പള്ളി സ്റ്റേഷൻ പരിധിയിൽ തന്നെ മൂന്ന് ലഹരിക്കേസുകളിലും പ്രതിയാണ്. അമ്പലവയൽ സ്റ്റേഷൻ പരിധിയിലുള്ള കടയിലാണ് ആൽബിൻ മോഷണം നടത്തിയത്. കടയുടെ ഷട്ടർ കുത്തിത്തുറന്ന് മേശ വലിപ്പ് പൊളിച്ച് മേശയിലും മറ്റൊരു അറയിലും സൂക്ഷിച്ച 6080 രൂപ പ്രതി മോഷ്ടിക്കുകയായിരുന്നുവെന്ന് പോലീസ് പറഞ്ഞു. കോടതിയിൽ ഹാരാജാക്കിയ ഇയാളെ റിമാൻഡ് ചെയ്തു. പുൽപ്പള്ളി സ്റ്റേഷൻ സബ് ഇൻസ്പെക്ടർമാരായ ജിതിൻകുമാർ, കിഷോർ സണ്ണി, അനീഷ് , സീനിയർ സിവിൽ പോലീസ് ഓഫീസർ നിഷാദ്, മറ്റ് ഓഫീസർമാരായ ഹനീഷ്, ജോജി മാർട്ടിൻ എന്നിവരാണ് അന്വേഷണ സംഘത്തിലുണ്ടായിരുന്നത്.