തൃശ്ശൂർ: തൃശ്ശൂരിൽ എയിംസ് വിഷയത്തിൽ മലക്കം മറിഞ്ഞ് നടനും കേന്ദ്ര മന്ത്രിയുമായ സുരേഷ് ഗോപി. തെരഞ്ഞെടുപ്പ് സമയത്തെ പ്രസംഗങ്ങളിൽ ഒരിടത്തും എയിംസ് ഉച്ചരിച്ചിട്ടില്ലെന്ന് പറഞ്ഞാണ് അദ്ദേഹം മലക്കം മറിഞ്ഞത്. താൻ നടത്തിയ പ്രസംഗങ്ങൾ പരിശോധിച്ചാൽ അതു മനസ്സിലാകുമെന്ന് അദ്ദേഹം പറഞ്ഞു. താൻ പറഞ്ഞ മറ്റുകാര്യങ്ങൾക്ക് ശേഷം മാത്രമാണ് എയിംസിനെ കുറിച്ച് പറഞ്ഞതെന്നും അദ്ദേഹം ചൂണ്ടികാട്ടി.
തൃശൂരിൽ എയിംസ് വേണമെന്ന ആവശ്യം ഉന്നയിക്കുന്ന ജനങ്ങൾക്കൊപ്പമാണ് താൻ നിൽക്കുന്നതെന്നും സുരേഷ് ഗോപി കൂട്ടിചേർത്തു. എന്നാൽ നേരത്തെ എയിംസ് വരുമെന്ന തരത്തിൽ പറഞ്ഞ സുരേഷ് ഗോപിയുടെ പ്രസ്താവന വിവാദമായിരുന്നു. കൂടാതെ ആലപ്പുഴയിൽ എയിംസ് കൊണ്ടുവരുമെന്നും നേരത്തെ അദ്ദേഹം പറഞ്ഞിരുന്നു.
