ചെന്നൈ: തമിഴ് നടൻ അജിത് കുമാറിന്റെ അമ്മ മോഹിനി മണി (84 ) അന്തരിച്ചു. വാര്ദ്ധക്യ സഹജമായ അസുഖങ്ങളെ തുടര്ന്ന് ചെന്നൈയിലെ സ്വകാര്യ ആശുപത്രിയില് ചികിത്സയിൽ ഇരിക്കെയാണ് മരണം. ചെന്നൈയിലെ പാലവാക്കത്തുള്ള അജിത് കുമാറിന്റെ വസതിയിലായിരിക്കും അന്ത്യ കര്മങ്ങള് നടക്കുക. നിലവില് ദുബായിലുള്ള അജിത് അമ്മയുടെ വിയോഗത്തെ തുടര്ന്ന് ചെന്നൈയിലേക്ക് മടങ്ങിയിട്ടുണ്ട്.
സിനിമാ മേഖലയിൽ നിന്നുള്ള നിരവധി പേർ അജിത്തിന്റെ അമ്മയുടെ വിയോഗത്തില് അനുശോചനം രേഖപ്പെടുത്തി. നടന് കമല് ഹാസന്, മുന് മുഖ്യമന്ത്രി എം.കെ സ്റ്റാലിന് തുടങ്ങിയവര് സോഷ്യല് മീഡിയിയലൂടെ അനുശോചനം അറിയിച്ചിട്ടുണ്ട്. രണ്ട് വര്ഷം മുമ്പായിരുന്നു അജിത്തിന്റെ അച്ഛന് സുബ്രഹ്മണി മരണപ്പെടുന്നത്. അഭിനയത്തില് നിന്നും ഇടവേളയെടുത്ത അജിത് കുമാര് റേസിങില് ശ്രദ്ധ കേന്ദ്രീകരിച്ചിരിക്കുകയായിരുന്നു. അജിത്തിന്റേതായി ഒടുവില് പുറത്തിറങ്ങിയ ചിത്രം ഗുഡ് ബാഡ് അഗ്ലിയാണ്.
