ഒരാഴ്ചക്കിടെ 10,827 അനധികൃത താമസക്കാരെ നാടുകടത്തി സൗദി

റിയാദ്: ഒരാഴ്ചക്കിടെ 10,827 അനധികൃത താമസക്കാരെ നാടുകടത്തി സൗദി അറേബ്യ. ഒരാഴ്ചയ്ക്കുള്ളിൽ ആകെ 14,440 അനധികൃത താമസക്കാരെ സൗദി സുരക്ഷാ അധികൃതർ അറസ്റ്റ് ചെയ്യുകയും ചെയ്തു. ജൂലൈ 30 നും ആഗസ്റ്റ് അഞ്ചിനും ഇടയിലാണ് നടപടി. സുരക്ഷാ സേന ബന്ധപ്പെട്ട സർക്കാർ ഏജൻസികളുമായി സഹകരിച്ച് നടത്തിയ സംയുക്ത പരിശോധനയിലാണ് അറസ്റ്റ് നടന്നതെന്ന് ആഭ്യന്തര മന്ത്രാലയം അറിയിച്ചു.അറസ്റ്റ് ചെയ്യപ്പെട്ടവരിൽ 7,090 പേർ റെസിഡൻസി നിയമം ലംഘിച്ചവരും 3,932 പേർ അതിർത്തി സുരക്ഷാ നിയമം ലംഘിച്ചവരും 3,418 പേർ തൊഴിൽ നിയമം ലംഘിച്ചവരുമാണ്.