തിരുവനന്തപുരം: കശുവണ്ടി വികസന കോര്പ്പറേഷന് അഴിമതി കേസില് പ്രോസിക്യൂഷന് അനുമതി നിഷേധിച്ച വ്യവസായ വകുപ്പ് മുന് പ്രിന്സിപ്പല് സെക്രട്ടറി മുഹമ്മദ് ഹനീഷിനെതിരായ കോടതിയലക്ഷ്യ നടപടികള് തുടരാമെന്ന് ഹൈക്കോടതി ഡിവിഷന് ബെഞ്ചിന്റെ ഉത്തരവ്. വെളളിയാഴ്ച ഹനീഷ് സിംഗിള് ബെഞ്ചിന് മുന്നില് ഹാജരാകണമെന്നും ഡിവിഷന് ബെഞ്ച് നിരീക്ഷിച്ചു.
ഹനീഷ് നേരിട്ട് ഹാജരായി കോടതിയലക്ഷ്യ നടപടികള് നേരിടണമെന്ന് നേരത്ത സിംഗിള് ബെഞ്ച് വിധിച്ചിരുന്നു. ഇതിനെ ചോദ്യം ചെയ്ത് ഹനീഷ് നല്കിയ ഹര്ജിയാണ് ഡിവിഷന് ബെഞ്ച് തളളിയത്. തെളിവുകള് ഇല്ലാത്തതു കൊണ്ടാണ് പ്രോസിക്യൂഷന് അനുമതി നിഷേധിച്ചത് എന്നാണ് ഹനീഷ് കോടതിയില് പറഞ്ഞത്. എന്നാല് കോടതി കണ്ടെത്തലുകളെ മറികടന്ന് തെളിവുകള് ഇല്ലെന്ന് ഒരു ഉദ്യോഗസ്ഥന് എങ്ങനെ പറയാന് കഴിയുമെന്ന വിമര്ശനവും ഡിവിഷന് ബെഞ്ചില് നിന്നുണ്ടായി.
