തിരുവനന്തപുരം: തിരുവനന്തപുരം നഗരസഭയിലെ 20 കൗൺസിലർമാരുടെ സത്യപ്രതിജ്ഞ ഹൈക്കോടതി അസാധുവാക്കിയ നടപടിയിൽ പ്രതികരിച്ച് മേയർ വിവി രാജേഷ്. ഹൈക്കോടതി വിധി പാലിക്കുമെന്ന് വ്യക്തമാക്കിയ മേയർ കൗൺസിലർമാരുമായി സംസാരിച്ചെന്നും അറിയിച്ചു. നാലാഴ്ച സമയം ഉണ്ട്. വാഴോട്ടുകോണം കൗൺസിലർ സുഗതൻ സത്യപ്രതിജ്ഞ ചെയ്യും. 29 ന് കൗൺസിൽ ചേരും. മേയർ നിലവിൽ ഉണ്ടെന്നും ഇതിൽ ഇനി വീണ്ടും വോട്ടെടുപ്പ് വേണ്ടെന്നും അദ്ദേഹം പറഞ്ഞു.
മറ്റ് ചിലർ കൂടി പല ദൈവങ്ങളുടെ പേരിൽ സത്യപ്രതിജ്ഞ ചെയ്തിട്ടുണ്ട്. അവർ കൂടി വീണ്ടും സത്യപ്രതിജ്ഞ ചെയ്യേണ്ടി വരും. തെരഞ്ഞെടുപ്പ് റദ്ദാക്കണമെന്ന ഹർജിക്കാരുടെ ആവശ്യം അംഗീകരിച്ചിട്ടില്ല. കേസ് ഫയൽ ചെയ്തവർക്കാണ് തിരിച്ചടി. എല്ലാ വശങ്ങളും ഞങ്ങൾ പരിശോധിച്ചിരുന്നു. അവരുടെ കാര്യത്തിൽ കോടതിയെ സമീപിക്കാത്തത് സങ്കുചിത മനോഭാവമാണ്. അവരെയും സത്യപ്രതിജ്ഞ ചെയ്യാൻ പരിശ്രമിക്കും. 24 മണിക്കൂറിനകം സത്യപ്രതിജ്ഞയ്ക്ക് തയാറാകുമെന്നും മേയർ വ്യക്തമാക്കി.
