തൃക്കാക്കര: തൃക്കാക്കര നിയോജക മണ്ഡലം എൻഡിഎ സ്ഥാനാർത്ഥി അഖിൽ മരാറിന് തോൽവി. ഇതുവരെ പുറത്തുവന്ന കണക്കുകൾ പ്രകാരം ആകെ 13251 വോട്ടുകൾ മാത്രമാണ് അഖിൽ മാരാർക്ക് നേടാൻ സാധിച്ചത്. അതേസമയം , സിറ്റിങ്ങ് എംഎൽഎയും യുഡിഎഫ് സ്ഥാനാർത്ഥിയുമായ ഉമാ തോമസാണ് വലിയ ഭൂരിപക്ഷത്തിൽ മുന്നിട്ട് നിൽക്കുന്നത്. എൽഡിഎഫ് സ്ഥാനാർത്ഥി അഡ്വക്കേറ്റ് പുഷ്പ ദാസാണ് രണ്ടാം സ്ഥാനത്ത് തുടരുന്നത്.
കൊച്ചി നഗരസഭയുടെ 31,33 ,34 ,36 മുതൽ 51 വരെയുള്ള വാർഡുകളും തൃക്കാക്കര നഗരസഭയും ചേർന്ന മണ്ഡലമാണ് തൃക്കാക്കര നിയമസഭാ മണ്ഡലം. ഈ മണ്ഡലം രൂപീകൃതമായത് മുതൽ യുഡിഎഫ് മാത്രമാണ് ഇവിടെ വിജയം കരസ്ഥമാക്കുന്നത്. പ്രൊഫഷണലുകളും , ശമ്പളക്കാരായ ഉദ്യോഗസ്ഥരും , ചെറുകിട സംരംഭകരും അടങ്ങുന്ന വലിയൊരു മധ്യവർഗം അടങ്ങുന്നതാണ് തൃക്കാക്കര മണ്ഡലം.
