വാഹനങ്ങളിൽ ഇടിച്ച ശേഷം കാർ നിർത്താതെ പോയി ; ഡ്രൈവർക്കെതിരെ പോലീസ് കേസെടുത്തു

കൊല്ലം: കൊല്ലത്ത് നിരവധി വാഹങ്ങളിൽ ഇടിച്ചു നിർത്താതെ പോയ കാർ ഡ്രൈവറെ പോലീസ് അറസ്റ്റുചെയ്തു. കടയ്ക്കലിലാണ് സംഭവം. തിരുവനന്തപുരം വെള്ളലൂർ സ്വദേശിയായ ജയകൃഷ്ണൻ ആണ് അറസ്റ്റിലായത്. നിർത്താതെപോയ കാർ നാട്ടുകാർ പിന്തുടരുകയും പിടികൂടുകയുമായിരുന്നു. ഡ്രൈവർ മദ്യലഹരിയിലായിരുന്നു. മടത്തറ മുതൽ കടയ്ക്കൽ വരെ റോഡിൽ അമിത വേഗതയിലെത്തി നിരവധി വാഹനങ്ങളെ ഇടിച്ചു നിർത്താതെ പോവുകയായിരുന്നു. നാട്ടുകാർ തടഞ്ഞുവെച്ച ജയകൃഷ്ണനെ കടയ്ക്കൽ പോലീസ് കസ്റ്റഡിയിൽ എടുത്തു. ഒപ്പം ഇയാളുടെ കാറും പിടിച്ചെടുത്തു.