തിരുവനന്തപുരം: മുതിർന്ന കോൺഗ്രസ് നേതാവ് രമേശ് ചെന്നിത്തലയുമായി കൂടിക്കാഴ്ച നടത്തി കേരളത്തിന്റെ ചുമതലയുള്ള എഐസിസി ജനറൽ സെക്രട്ടറി ദീപാ ദാസ് മുൻഷി. താൻ എല്ലാ നേതാക്കന്മാരുടെ വീട്ടിൽ പോകുന്നുണ്ടെന്നും ഇന്നലെ ചെന്നിത്തല ഗുരുവായൂരിൽ പോയതിനാൽ കാണാൻ കഴിഞ്ഞിരുന്നില്ല. അതിനാലാണ് ഇന്ന് വന്നതെന്നും ദീപാ ദാസ് മുൻഷി പറഞ്ഞു. രമേശ് ചെന്നിത്തല സർക്കാരിന്റെ ഭാഗമാകുമോ എന്ന ചോദ്യത്തിന് അദ്ദേഹം ഇവിടെയുണ്ടെന്നും എന്താണ് ചെയ്യാൻ ആഗ്രഹിക്കുന്നതെന്ന് അദ്ദേഹം തന്നെ പറയുമെന്നും ദീപാ ദാസ് മുൻഷി മറുപടി പറഞ്ഞു. താൻ എല്ലാ നേതാക്കന്മാരോടും സംസാരിക്കുന്നുണ്ടെന്നും അവർ കൂട്ടിച്ചേർത്തു.
മുഖ്യമന്ത്രിസ്ഥാനം നിഷേധിക്കപ്പെട്ടതിന് പിന്നാലെ കടുത്ത അമര്ഷത്തിലായിരുന്നു രമേശ് ചെന്നിത്തല. അതുകൊണ്ട് അദ്ദേഹത്തെ അനുനയിപ്പിക്കാനുള്ള ശ്രമമാണ് ഹെെക്കമാൻഡ് ഈ സന്ദർശനത്തിലൂടെ നടത്തിയിരിക്കുന്നത്.
