കൊച്ചി: കൊച്ചി കൂത്താട്ടുകുളം ശ്രീധരീയം റോഡിൽ ടാറിങ് ചെയ്തതിനു പിന്നാലെ ക്രയിൻ ഉപയോഗിച്ച് തടി കയറ്റിയതിനെ തുടർന്ന് റോഡ് തകർന്നെന്നു പരാതി. സ്ഥലത്തെ ഒരു സ്വകാര്യ വ്യക്തിയുടെ പുരയിടത്തിലെ തടി റോഡിലിറക്കി ലോറിയിൽ കയറ്റുന്നതിനിടെ ആണ് സംഭവം. ക്രയിൻ ഉപയോഗിച്ച് തടി കയറ്റുന്നതിനിടെ ടാർ പൊളിഞ്ഞു. നാട്ടുകാർ പരാതി നൽകിയതോടെ നഗരസഭാ കൗൺസിലർമാർ ഇടപെട്ട് തടി കയറ്റൽ തടഞ്ഞു.
നഗരസഭാ സ്ഥിരംസമിതി അധ്യക്ഷനായ പി സി ഭാസ്കരനും മായാ വിശ്വനാഥനും സ്ഥലത്തെത്തി നടപടി സ്വീകരിച്ചു. ഒപ്പം, മണ്ണ് കയറ്റിയെത്തിയ ടിപ്പർ ലോറികളും തടഞ്ഞു. മാത്രമല്ല റോഡിലെ ടാറിങ് പൂർണ്ണമായി ഉറപ്പാവുന്നതുവരെ ഭാരമുള്ള വാഹനങ്ങളുടെ ഗതാഗതം നിയന്ത്രിക്കുമെന്ന് അധികൃതർ അറിയിച്ചു.
ടാറിങ്ങിന്റെ മൂന്നാം ദിവസം റോഡിൽ തടി കയറ്റി, റോഡ് തകർന്നു; പ്രതിഷേധവുമായി നാട്ടുകാർ
