റിയാദ്: ഗസ്സ മുനമ്പിന്റെ മധ്യ-തെക്കൻ മേഖലകളിൽ കടുത്ത ദാരിദ്ര്യവും പ്രയാസവും അനുഭവിക്കുന്ന കുടുംബങ്ങൾക്കായി 25,000 ഭക്ഷ്യകിറ്റുകളെത്തിച്ച് സൗദിയുടെ കിങ് സൽമാൻ റിലീഫ് ആൻഡ് ഹ്യൂമാനിറ്റേറിയൻ എയ്ഡ് സെന്റർ(കെ.എസ്.റിലീഫ്). കെ.എസ്.റിലീഫിന്റെ സെൻട്രൽ കിച്ചൻ വഴിയാണ് ഭക്ഷണമെത്തിച്ചത്.ദുരിതമനുഭവിക്കുന്ന ഫലസ്തീൻ ജനതയെ സഹായിക്കുന്നതിനായി സൗദി നടത്തുന്ന വിപുലമായ ജനകീയ ദുരിതാശ്വാസ കാമ്പയിന്റെ ഭാഗമായാണ് നടപടി. ഗസ്സയിലെ ജനങ്ങളുടെ ദുരിതങ്ങൾക്ക് ആശ്വാസം പകരുക, മേഖലയിലെ ഭക്ഷ്യസുരക്ഷ ഉറപ്പാക്കുക എന്ന സൗദിയുടെ ശക്തമായ പ്രതിബദ്ധതയാണ് ഇതിലൂടെ വ്യക്തമാകുന്നത്.
