മുഖ്യമന്ത്രി വിജയിന് പുതിയ ഓഫിസ്; ചെലവ് 11 കോടി രൂപ

ചെന്നൈ: അരനൂറ്റാണ്ടായി സെന്റ് ജോർജ് കോട്ടയിൽ പ്രവർത്തിക്കുന്ന മുഖ്യമന്ത്രിയുടെ ഓഫിസ് മാറ്റി സ്ഥാപിക്കുന്നതിനായി 11 കോടി രൂപ അനുവദിച്ചു. സെക്രട്ടേറിയറ്റ് വളപ്പിലെ നാമക്കൽ കവിജ്ഞർ മാളികയിലെ 10–ാം നിലയിലാണ് പുതിയ ഓഫിസ് ഒരുങ്ങുന്നത്. മുഖ്യമന്ത്രിയുടെ മുറി, പ്രൈവറ്റ് സെക്രട്ടറിമാരുടെ ഓഫിസുകൾ, കോൺഫറൻസ് ഹാൾ എന്നിവ ഒരുക്കും. പൊതുമരാമത്ത് വകുപ്പ് 3 മാസത്തിനുള്ളിൽ നിർമാണം പൂർത്തിയാക്കും. ഇവയ്ക്കൊപ്പം മറ്റു മന്ത്രിമാരുടെ ഓഫിസുകളും നവീകരിക്കുന്നുണ്ട്.