സലാല: നിയമസഭാ തെരഞ്ഞെടുപ്പിൽ യുഡിഎഫ് നേടിയ ചരിത്രവിജയത്തിന്റെ ആവേശത്തിൽ സലാലയിലെ പ്രവാസലോകം. സലാല കെഎംസിസി കേന്ദ്ര കമ്മിറ്റിയുടെ നേതൃത്വത്തിൽ മധുരം വിതരണം ചെയ്തും കേക്ക് മുറിച്ചും വിജയാഘോഷം നടത്തി. കെഎംസിസി കോൺഫറൻസ് ഹാളിൽ നടന്ന പരിപാടിയിൽ പ്രസിഡന്റ് വി.പി അബ്ദുസ്സലാം ഹാജി അധ്യക്ഷത വഹിച്ചു. ഹുസൈൻ കാച്ചിലോടി ആഘോഷപരിപാടികൾ ഉദ്ഘാടനം ചെയ്തു. ഏകാധിപത്യവും ജനവിരുദ്ധ നയങ്ങളും കൈമുതലാക്കിയ പിണറായി സർക്കാരിന്റെ അന്ത്യം കുറിച്ച വിജയമാണ് കേരളത്തിൽ ഉണ്ടായതെന്ന് നേതാക്കൾ അഭിപ്രായപ്പെട്ടു. മതത്തിന്റെ പേരിൽ കേരളത്തെ വിഭജിക്കാൻ ശ്രമിച്ച ശക്തികളെ തള്ളിക്കളഞ്ഞ ജനവിധി കൂടിയാണിതെന്ന് ചടങ്ങിൽ സംസാരിച്ചവർ വ്യക്തമാക്കി. ഇൻകാസ് സലാല നേതാക്കളായ ഹരികുമാർ, ബാബു കുറ്റ്യാടി, സലിം കൊടുങ്ങല്ലൂർ തുടങ്ങിയവർ ആശംസകൾ നേർന്ന് സംസാരിക്കുകയും ചെയിതു.
യുഡിഎഫിന്റെ വിജയം; ആഘോഷമാക്കി സലാല കെഎംസിസി
