മുംബൈ: രാജ്യത്ത് പെട്രോൾ വില വർധിച്ചേക്കുമെന്ന് മുന്നറിയിപ്പുമായി റിസര്വ് ബാങ്ക് ഗവര്ണര്. രാജ്യാന്തര വിപണിയില് അസംസ്കൃത എണ്ണവില കുതിച്ചുയരുന്ന സാഹചര്യത്തിലാണ് ആർബിഐ ഗവർണർ സഞ്ജയ് മല്ഹോത്രയുടെ മുന്നറിയിപ്പ്. സ്വിറ്റ്സര്ലന്ഡില് നടന്ന ഐഎംഎഫ് സമ്മേളനത്തിലാണ് ഗവര്ണര് ഇക്കാര്യം വ്യക്തമാക്കിയത്.
പശ്ചിമേഷ്യന് യുദ്ധം നീണ്ടുപോയാല് ഇന്ധനവില വര്ധിപ്പിക്കുകയല്ലാതെ സര്ക്കാരിന് മുന്നില് മറ്റ് വഴികളില്ലെന്ന് അദ്ദേഹം സൂചിപ്പിച്ചു. വിദേശനാണ്യ ശേഖരം സംരക്ഷിക്കുന്നതിനായി ഒരു വര്ഷത്തേക്ക് സ്വര്ണം വാങ്ങുന്നതും ഇന്ധന ഉപയോഗവും കുറയ്ക്കണമെന്ന് പ്രധാനമന്ത്രി നരേന്ദ്ര മോദി ജനങ്ങളോട് അഭ്യർത്ഥിച്ചിരുന്നു. ഇതിന് പിന്നാലെയാണ് റിസര്വ് ബാങ്ക് ഗവര്ണറുടെ ഈ പ്രസ്താവന.
