കോഴിക്കോട് കടകളിലെ ജീവനക്കാർ പരസ്പരം ഏറ്റുമുട്ടി, കേസ് എടുത്ത് പോലീസ്

കോഴിക്കോട്: കോഴിക്കോട് മുക്കത്ത് കടകളിലെ ജീവനക്കാർ പരസ്പരം ഏറ്റുമുട്ടി. തൊട്ടടുത്ത് പ്രവർത്തിക്കുന്ന കൂൾബാർ ജീവനക്കാരനും ഹോട്ടൽ ജീവനക്കാരനും തമ്മിലാണ് സംഘർഷം ഉണ്ടായത്. കൂൾബാറിലേക്ക് വന്നവരെ ഹോട്ടലിലേക്ക് വിളിച്ചുകയറ്റിയതാണ് ഏറ്റുമുട്ടലിൽ കാരണമായത്. ഹോട്ടൽ ജീവനക്കാരൻ ഫിലിപ്പും കൂൾബാർ ജീവനക്കാരൻ മുനവ്വർ താജും ആണ് ഏറ്റുമുട്ടിയത്. ഹോട്ടലിലേക്ക് വിളിച്ചുകയറ്റിയത് ചോദ്യം ചെയ്ത മുനവ്വർ ഫിലിപ്പിനെ മർദ്ദിക്കുകയായിരുന്നു. പരിക്കേറ്റ ഫിലിപ്പിനെ ആശുപത്രിയിൽ പ്രവേശിപ്പിച്ചു. ഹോട്ടൽ ഉടമയുടെ പരാതിയിൽ മുക്കം പൊലീസ് കേസെടുത്തു. സംഭവത്തിന്റെ സിസിടിവി ദൃശ്യങ്ങൾ പുറത്ത് വന്നു.