തിരുവനന്തപുരം: അടൂർ പ്രകാശിനെതിരെ ഒളിയമ്പുമായി രംഗത്തെത്തി ആരോഗ്യമന്ത്രി കെ. മുരളീധരൻ. ഒരാൾ മുഖ്യമന്ത്രിക്കെതിരെ നിരന്തരം ആരോപണം ഉന്നയിക്കുന്നുണ്ടെങ്കിൽ അതിന് പിന്നിൽ ആരോ ഉണ്ട് എന്നായിരുന്നു കെ മുരളീധരൻ്റെ പരാമർശം. അതാരാണെന്ന് താൻ പറയുന്നില്ലെന്നും അദ്ദേഹം കൂട്ടിച്ചേർത്തു. ആണുങ്ങളുടെ സർക്കാർ എന്ന പരാമ‍ർശത്തിൽ കെ. സുധാകരനെയും മുരളീധരൻ പരിഹസിച്ചു. വന്ന് ടെസ്റ്റ് ചെയ്തു നോക്കണമെങ്കിൽ നോക്കാം എന്നായിരുന്നു സുധാകരനെതിരായി മുരളീധരൻ്റെ പരിഹാസം.
പിണറായി വിജയനെതിരായ മാസപ്പടി കേസിൽ സർക്കാർ എടുത്ത നിലപാട് നൂറ് ശതമാനം ശരിയാണെന്നും കെ. മുരളീധരൻ ന്യായീകരിച്ചു. ഇ ഡി വിഷയത്തിൽ ദേശീയതലത്തിൽ കോൺഗ്രസിന് വ്യക്തമായ നിലപാടുണ്ടെന്നും കെ മുരളീധരൻ വ്യക്തമാക്കി. പ്രാഥമിക അന്വേഷണം നടത്താതെ കേസ് രജിസ്റ്റർ ചെയ്യേണ്ട എന്ന് ഞങ്ങൾ എല്ലാവരും കൂടിയാണ് തീരുമാനിച്ചത്. ഹൈക്കോടതി രജിസ്റ്റർ ചെയ്യാൻ പറഞ്ഞു ഞങ്ങൾ രജിസ്റ്റർ ചെയ്തു. സോണിയ ഗാന്ധിയും രാഹുൽഗാന്ധിയും മല്ലികാർജുൻ ഖാർഗെയും ആണ് പാർട്ടിയെ നയിക്കുന്നത്.
ഇ ഡി പറയുമ്പോഴേക്കും എടുത്ത് ചാടേണ്ടെന്ന് അവർ തന്നെ പറഞ്ഞിട്ടുണ്ടെന്നും കെ മുരളീധരൻ ചൂണ്ടിക്കാണിച്ചു.ആരെയും പുറത്താക്കാനും അകത്താക്കാനും താൻ ഇല്ലെന്നും അദ്ദേഹം വ്യക്തമാക്കി. പാർട്ടി കാര്യങ്ങൾ താൻ അറിയുന്നില്ല എന്ന് പറഞ്ഞപ്പോൾ തന്റെ മെക്കിട്ടേക്ക് എല്ലാവരും കയറിയല്ലോയെന്നും അന്ന് ഇവർ എല്ലാവരും ഒന്നായിരുന്നല്ലോ എന്നും കെ മുരളീധരൻ ചോദിച്ചു.
