പാലക്കാട്: സമൂഹ മാധ്യമങ്ങളില്‍ മകള്‍ക്കെതിരെ അപവാദ പ്രചരണം നടക്കുന്നതായി നെടുമ്പാശ്ശേരി വാഹനാപകടത്തില്‍ മരിച്ച ഗോപികയുടെ കുടുംബം. മകള്‍ക്കെതിരെ ഹിന്ദു ഐക്യവേദി നേതാവ് ശശികല ഉള്‍പ്പെടെയുള്ളവര്‍ വൃത്തികേട് പ്രചരിപ്പിക്കുന്നുവെന്നും കുടുംബം പറഞ്ഞു.പത്ത് മണി, പത്തേ മുക്കാല്‍ വരെയാണ് അവിടെ ജോലി ചെയ്യുന്നത്. അതിനിടയില്‍ പുറത്തേക്കൊന്നും പോകാന്‍ സമയം കിട്ടാത്തതാണ്.
രാത്രി സമയത്താണ് എന്തെങ്കിലും ആവശ്യത്തിന് കുട്ടികള്‍ക്ക് പുറത്തേക്ക് പോകാന്‍ പറ്റുക. അതുകൊണ്ടാണ് രാത്രിയില്‍ പോയത്. പെണ്‍കുട്ടികള്‍ എന്തിനാണ് രാത്രിയില്‍ ഇറങ്ങി നടക്കുന്നത് എന്നാണ് ചോദിക്കുന്നത്. ഇതൊന്നും കുടുംബത്തോട് ചോദിക്കേണ്ട ചോദ്യങ്ങളല്ല. അതില്‍ ശക്തമായ പ്രതിഷേധമുണ്ട്. വിഷകല, ശശികലയാണ് സോഷ്യല്‍ മീഡിയയില്‍ ഇത്രയും ഇത് പ്രചരിപ്പിച്ചത്.
അതിനെതിരെയുള്ള ശക്തമായ വിയോജിപ്പും രേഖപ്പെടുത്തുന്നു കുടുംബം പ്രതികരിച്ചു. അതേസമയം, കുടുംബത്തിനെതിരെ അധിക്ഷേപ പരാമര്‍ശവുമായി ശശികല വീണ്ടുമെത്തി. പത്രസമ്മേളനം കണ്ടു. ‘വിഷകല’ എന്ന പ്രയോഗം അത് കലക്കി! മക്കള്‍ നഷ്ടപ്പെട്ട രക്ഷിതാക്കളുടെ വേവലാതിയിലും അത് മറന്നില്ലല്ലോ!? താങ്‌സ് എന്നാണ് ശശികലയുടെ സാമൂഹ്യമാധ്യമങ്ങളിലെ പ്രതികരണം.
