തിരുവനന്തപുരം: അമ്പൂരിയില് അച്ഛനെ മകന് അടിച്ചു കൊന്നു. കുരുവിക്കോണം സ്വദേശി തോമസ് എബ്രഹാം (62) ആണ് കൊല്ലപ്പെട്ടത്. മകന് ഷാനു തോമസിനെ വെള്ളറട പൊലീസ് കസ്റ്റഡിയിലെടുത്തു.
ഇന്നലെ രാത്രി 11 മണിയോടെയാണ് സംഭവം. സംഘര്ഷത്തിനിടെ അമ്മാവന് വര്ഗീസിനും കുത്തേറ്റിട്ടുണ്ട്. ഇദ്ദേഹം ചികിത്സയിലാണ്. ഷാനുവിന്റെ വിവാഹവാര്ഷികമായിരുന്നു ഇന്നലെ. ആഘോഷ പരിപാടികള്ക്ക് ശേഷം ഷാനുവും ഭാര്യയും തമ്മില് വാക്കേറ്റമുണ്ടായി. പ്രശ്നത്തില് ഇടപെട്ട ഷാനുവിന്റെ അമ്മയും അമ്മാവനും നിയന്ത്രിക്കാന് ശ്രമിച്ചു. ഇതിനിടെ വര്ഗീസിനെ കത്തി കൊണ്ട് കുത്തി. ബഹളം കേട്ടെത്തിയ തോമസ് എബ്രഹാം ഷാനുവിനെ പിടിച്ചുമാറ്റാന് ശ്രമിച്ചു.
