കോഴിക്കോട്: കോഴിക്കോട് നരിക്കുനിയിൽ ചുമരിലെ കല്ല് ദേഹത്തേക്ക് തെറിച്ചു വീണ് ഗൃഹനാഥന് പരിക്കേറ്റു. വാര്യംവീട്ടില് മാധവന് നായര്ക്കാണ് പരിക്കേറ്റത്. ഇന്നലെ വൈകീട്ടാണ് സംഭവം നടന്നത്. ശക്തമായ മിന്നലിനിടെ ചുമരിലെ കല്ല് തെറിച്ച് മാധവൻ നായരുടെ ദേഹത്തേക്ക് പതിക്കുകയായിരുന്നു. വീടിനും സാരമായ കേടുപാട് സംഭവിച്ചിട്ടുണ്ട്. വീട്ടില് വളര്ത്തിയിരുന്ന കോഴികളും മിന്നലേറ്റ് ചത്ത നിലയിലാണ്. കൂടാതെ, വീട്ടിലെ ഏതാനും ഇലക്ട്രിക് ഉപകരണങ്ങളും വീടിന്റെ വയറിങും നശിച്ചിട്ടുണ്ട്. നാല് ലക്ഷത്തോളം രൂപയുടെ നാശനഷ്ടമുണ്ടായതായി വീട്ടുകാര് വ്യക്തമാക്കി.
ശക്തമായ ഇടിമിന്നൽ; നരിക്കുനിയിൽ ചുമരിലെ കല്ല് ദേഹത്തേക്ക് തെറിച്ചു വീണ് ഗൃഹനാഥന് പരിക്ക്
